Poslovne vijesti - Makedonija

Во стопанството вратени 139 милиони евра

Министерството за финансии врз основа на доспеани државни хартии од вредност вчера врати во стопанството 1.505 милиони денари (25 милиони евра).

Оваа практика, соопштија од Министерството за финансии, ќе продолжи и во првиот месец од следната година, кога  врз основа на доспеани записи ќе исплати во стопанството 7 милијарди денари (114 милиони евра).

- Средствата што се прибираат во буџетот со издавање државни хартии од вредност се враќаат повторно во економијата со исплатата на оние што ги купиле записите или директно со исплати на државата на фирмите за поврат на ДДВ, за субвенции на земјоделците, за плаќање на градежните фирми за извршени работи, за изградба на училишта, болници итн, се појаснува во соопштението.

Меѓународните институции како Светска банка и Меѓународниот монетарен фонд оддадоа признание на фискалните политики на Република Македонија во оваа сфера оценувајќи ја како ниско задолжена земја.